مشكلة مدرستى

عضو شغال الجنس : تاريخ الميلاد : 26/11/1992

اهلا يا جماعة ،،
السلام و النعمة لكم
انا فى مدرسة لغات و كما لاحظتم عمرى 14 سنة فى مدرستى اشكال و الوان و كلهم مسلمين و طبعا بعد حملة المدرسين العربى و الداراسات الدينية بقى كل يوم فى قران و حديث و كلام النبى فى الاذاعة بعدين نطلع للفصل نلاقى كل مدرس ساب الدرس و يشرح فى الاسلام و جمال الاسلام و ده فى كل المواد ( تقول انهم مستقصدونا شكلهم) بعدين مرة حصل ان فى مدرس كانت عنده اغنية بتاعت مايكل جاكسون بتاعت اسماء الله الحسنى لاقت الاولاد بيسالوا المدرس ايه الاغنية دي؟ قال: ديه اغنية جميلة لمايكل جاكسون بعد ما اسلم و فيها بيذكر اسامى الله . رحت سمعت لفظ ضيقنى واحدة قالت ( و على فكرة ام البنت ديه مسيحية لانها ايطالية لكن البنت مسلمة) : انا بحب المسيحيين اللى بيبقوا مسلمين اوى . فرحت من غير قصد قلت: قصدك ايه؟ دينا فيه ثغرات؟. فراح المدرس زعقلى و قالى: اسكت خالص. فراح ولد قال: ما برحتوا يعنى ما فى ناس اسلموا زى تيرى هنرى . فرحت قلت: براحتهم. فى الفسحة جيت بنت جاية من السعودية بتقولى : لو عندك فرصة للاسلام هتسلم رحت قلتلها: لا طبعا انا استحالة اشوف المسيح هو بيسفك دمه علشان و اصيبه.
فراحت قالت: ماهو انجليكم محرف. فرحت زعقت و قلت: و القران محرف و اسامة بن لادن اهاربى مش مجاهد. فى البيت لاقيت ابوية بيزعقلى و بيقولى: متكلمش فى مواضيع اسلامية لاحسن هاوريك ملكش دعوى بالناس دول خالص و لا تتكلم معاهم فى حاجة لاحسن اوريك. فالموضوع ده عمال يتكرر كل يوم و انا مردش و فى شتايم بتهيين دينى و ساكت و زملائى جبنة و ساكتين
قوللى يا جماعة الحل؟ هل اسكت؟ و هل ارد؟ و انا اتخنقت مع انى هانقل السنة الجاية لكن انا مش مستحمل

اولاً اهلاً بيك معانا

انا عندى 15 سنة
يعنى الفرق بنا مش كتير
بس عايز بجد اقولك حاجة
انا كنت فى مدرسة لغات برضة لغاية السنة اللى فاتت بس
بس انا كنت بعمل حاجة حلوة لما حاجة زى دى تحصل , انا الحمد لله محبوب فى المدرسة من اول الدادات لحد صاحب المدرسة , لانى كنت دايماً من اوائل المدرسة و اوائل المنطقة التعليمية و كدة يعنى , فكنت اول لما اتعرض لموقف زى دة كل اللى اعملة ..... اروح لمكتب المدير و اقولة : (( مستر نبيل , بعد اذن حضرت حصل معانا ان ........ و انا مردش اتصرف الا لما اقول لحضرتك و حضرتك عارف انى بعتبرك زى بابا بالظبط )) و اروح حاكيلة و هو بيجبلى حقى . بس كدة و تبقى بعدت عن المشاكل و منستش حقك و دافعت عن انجيلك .
و متنساش الاية دى كمان : (( من ضربك على خدك الايمن فادر لة الايسر ))

شوف يا سان فيلوباتير

هتكلم معاك من وجهتين نظر بيجتمعوا فى نقطة واحدة
اولا:حبيبك بيئولك ايه؟؟؟؟؟؟
ان عيرتم باسم المسيح , فطوبى لكم,لان روح المجد و الله يحل عليكم.......فلا يتئلم احدكم كقاتل,او سارق,او فاغل شر,او متداخل فى امور غيره.(1بط4-14)
يعنى طالب منك متصعبش الامور على نفسك, بيئولك انه بيجربك كدا عشان يعليك
متنساش الرب يدافع عنكم و انتم تصموتون
حئ ربنا محفوظ, صاحب الحق مبيستناش حد ياخدهولوا, هو بيحطنا فى المواقف دى عشان يكشف قلوبنا
و تئكد ان قلبك مكشوف ليه و عارف انك غيران عليه.
لكن لو حاطيت روحك فى حوارات و مناقشات مش هتوصل لحاجة
كونوا حكماء كالحيات.......هتتكلم مع ناس هدفها انك تسمعهم مش انهم يسمعوك؟؟؟؟؟

ثانيا:بعيدا عن كلام رب المجد و الدين
نفسيا,الناس دى عددهم اكتر تمام؟؟؟؟؟؟؟من حواليك يعنى فى المدرس؟؟ليهم سياسة عايزين يحئئوها.
الكترة دى بتدى تشجيع ان يحصل مشاحنات و مشاكل و خاصتا فى قصة الدين
احنا متعلمناش نعلى صوتنا عشان اللى حوالينا يسمعونا
بلاش تدخل فى كلام مع حد عن الدين
عشان تثبت انك اولا و اخيرا محترم ولا تمس عقيدتهم فى شىء

ارجو منك انك تحافظ على روحك و ايمانك فى هدوء زى ما علمنا المسيح
عشان خاطر كل اخواتك هنا فى المنتدى,اللى خايفين عليك.

سانت
انا تماما مع مورا هى بتتكلم صح
وفى نقطه كمان ياريت تخلى بالك منها
الناس دى كل غرضها هو انهم يشدوك لمناقشات
ولو انت كبرة دماغك و معبرتش اى حد
كدة هما هيتجننوا اكتر
ومع الوقت هيزهئواااااااااااا وهما بنفسهم هيبعدوا عن الموضوع
لكن لو صغرت دماغك و اتكلمت و تناقشت معاهم
كدة انتى بتحرب بدون سلاح بمعنى
انت كدة مش بتكون حكيم
عارف يعنى ايه كونوا حكماء كالحيات
يعنى مع الانسان المولتوى نكون معوجين
ومع الانسان الكويس نكون تمام
ودول طبعا نيتهم مش تمام فخليك زيهم حربهم بسلاح( البرود)
سورى يعنى خليك باردااااااااااا خالص وشوف برودك وعدم اهتمامك بيهم هيعمل فيهم ايه
سورى ( الكلب لما بيهوهو حد بيرد عليه ؟)
الكلاب تعاول و القافله تسير
وكانهم ولا هنا كبر اوى
وتعال طمنا ايه الاخبار
مســـــــــــــــــتنينينك
ربنا معاك

شكرا صن على الاهتمام باخوكى

و انت كمان يا اندرو
شكرا على اهتمامك بالمنتدى و بينا كلنا

الشكر الاساسى يرجع ليكى انتى يا مورا

بجد الله يكون معاكى لانك مشرفه لقسم مهم جدا جدا
وبجد اشهد انك على نفس مستوى المسؤليه
ربنا معاكى

مولا ليه طلب مستعجل جدا ممكن
لو سمحتى ياريت تتكلمى عن مشكلتنا كمصرين من ناحية الدستور والمادة التانيه
وخصوصا ان الرئيس حسنى مبارك قال
ان لينا فرصه لغاية الاثنان المقبل لعملية الاستفداء
لتعديل المادة التانيه
والف شكر

عضو شغال الجنس : تاريخ الميلاد : 26/11/1992

بجد مش عارف اشكركم ازاى سواء كنتم اندرو او سن او مورا بجد يا جماعة ده عمل الروح القدس خلاكم تفهمونى الصح و بجد شكرا ليكم و صدقونى حاصليكم و بركة الرب تكون معنا امين و بعييد شكرى ليكم

موضوع: رد: مشكلة مدرستى الخميس مارس 22, 2007 5:57 pm

صن بالنسبة لحكاية دورنا فى تعديل المادة التانية فى الدستور

اسمحيلى ائرا عنها انهاردا و هرد عليكوا فى المنتدى بليل
عشان حسب معلوماتى ان فيه وجهة نظر فى تدخلنا فى الموضوع دا
ووجهة النظر دى فى صالحنا

مش هتئخر
و بجد متشكرة انك طلبتى الطلب دا
انتى انسانة واعية و مثقفة و ليكى قيمة

سان اسمع

خلى بالك من نفسك فاهم
خلى بالك من نفسك
وطمنا عليك ديما
وربنا معاك

مورا انا كل يوم بيزيد احترامى ليكى
انتى كدة كبرتى فى نظرى اكتر
كون انك تطلبى فرصه للاطلاع دة فى حد ذاته بيدل على
انك شخصيه ممتازة بتحبى تفهمى كويس عشان تعرفى تردى كويس باقناع
ربنا معاكى و فى انتظارك

موضوع: رد: مشكلة مدرستى الجمعة مارس 23, 2007 5:49 pm

ايه الاحراج دا

كلامك حلو اوى
و الاطلاع اخد منى وئت
بس الحمدلله خلصت اطلاع
و رئييى هتلائيه فى الموضوع اللى مؤلفه سان فيلوباتير

موضوع: رد: مشكلة مدرستى السبت مارس 24, 2007 1:19 am

انا رايح اهو

ميرسى يا جميل
ربنا يعوضك

» مشكلة
» لو عندك مشكلة
» مشكلة مش سهلة
» جورج و كمال مشكلة
» مشكلة فى التسجيل