انا مخنوئه اوى

بجد مش عارفه مالى
كتيررررر اوى بحس انى مخنوئه
ومش عاوزة اكلم حد
على الرغم انى واثقه فى الناس دى بس
مش عارفه
انا بفكر اسيب الاشراف هنا
فى كل الاقسام
وكتير بفكر اسيب النت خالص
مش عارفه يا مورا
ياريت تقوليلى اعمل ايه
تخيلى
حتى الصلاة مش قدرة اعد اصلى على الرغم انى واثقه انى حلى فيها
مخـــــــــــــــــــــــــنوئه
اعمل ايه
عشان اخرج من الاحساس دة

متخفيش الرب يرى كل الأشياء . لا يترك ابناه هكذا .

بل يرعاهم دائمآ , فكوني صبورا . الأيام الأتيه هي الأجمل .

لكي تكوني بركة للعالم .....تأملي .. القمح يطحن و يسحق سحقا ......قبل أن يعطي خبزا البخور يجب أن يحرق بالنار ليفوح طيبه ..... و الشمعة تذوب لكي تضئ .... و الأرض تحرث قبل أن تعطي ثمارها .... هكذا يا صديقتي .. لابد أن يسحق القلب لنتمتع بالحياة مع الله و لابد أن تذوقي الألم أمام الله لكي تكون بركة ... "إن لم تقع حبة الحنطة علي الأرض و تمت فهي تبقي وحدها لكن إن ماتت تأتي بثمر كثير" ( يو 12 : 24 )

ترنيمه (امسك يارب ايدى زى بطرس زمان)

صن انتى عارفة كلنا بيجى علينا وئت و نكون كدا؟؟؟؟؟

انا كمان اليومين دول عاملة زيك بالظبط

بس انا عندى حل لمشكلة الصلاة دى
انا لما بحس انى مقصرة اوى فى حئ ربنا و انى بعيدة بيصعب عليا نفسى اوى

و باخد الصورة بتاعت انت ابرع جمالا من بنى البشر اللى انتى عارفة طبعا انى مبعرفش اعيط غير ادامها
و اخدها فى حجرة ضالمة خالص و شمعتين
و افضل اتكلم اتكلم اتكلم و ائوله كل اللى عندى منغير ما افكر فى ترتيب الجمل
و اخد رئيه و اعيط شوية و اضحك وياه شوية
و اصلى حبة و بعدين ائرا الانجيل شوية عشان اسمع الرد على كلامى

و فى الاخر بحس انى مرتاحة جدا
و اليوم اللى وراه بكون فايئة اوى

لو تحبى نتكلم على الخاص انا معنديش مانع خالص

عارفة كمان احيانا الواحد مبيكنش فيه سبب معين خانئه

ممكن يكون ان من كتر ما الدنيا وائفة و مبتتحركش بيكون مخنوء عايز تجديد تغيير
حددى الحجات اللى مزعلاكى و دورى على حل لمشكلة مشكلة

متزعليش صن و لا تتخنئى
كل واحد ليه هدية عند ربنا تفرحه
هو شيلهالوه و بيديهاله فى وئتها

و بعدين خدى هنا منتدى ايه اللى عايزة تسبيه؟؟؟؟؟؟؟
هو احنا بعد التعب دا هنسيبه كدا بكل سهولة؟؟؟؟؟؟؟؟
طيب جايلك ئلب؟؟؟؟؟؟
اوعى تفكرى كدا تانى احنا منئدرش نستغنى عنك

عارفه
بجد
على اد انى مليش نفس اكتب
على اد ما كلامك خلانى اعيط واحس انى لازم ارد
لكن مش عارفه اقول ايه
صليلى
حقيقى محتاجه لصلواتك

حاضر

خدى شفاعة الامير تادرس

و اهدى و ئئعدى مع نفسك و كلميها و راضيها

اللى يريحها حاولى تعمليه

موضوع: شكرآ مورا الأربعاء أبريل 25, 2007 10:30 pm

mora_512 كتب:: صن انتى عارفة كلنا بيجى علينا وئت و نكون كدا؟؟؟؟؟

انا كمان اليومين دول عاملة زيك بالظبط

بس انا عندى حل لمشكلة الصلاة دى
انا لما بحس انى مقصرة اوى فى حئ ربنا و انى بعيدة بيصعب عليا نفسى اوى

و باخد الصورة بتاعت انت ابرع جمالا من بنى البشر اللى انتى عارفة طبعا انى مبعرفش اعيط غير ادامها
و اخدها فى حجرة ضالمة خالص و شمعتين
و افضل اتكلم اتكلم اتكلم و ائوله كل اللى عندى منغير ما افكر فى ترتيب الجمل
و اخد رئيه و اعيط شوية و اضحك وياه شوية
و اصلى حبة و بعدين ائرا الانجيل شوية عشان اسمع الرد على كلامى

و فى الاخر بحس انى مرتاحة جدا
و اليوم اللى وراه بكون فايئة اوى

لو تحبى نتكلم على الخاص انا معنديش مانع خالص

الرب يباركك مورا . كل كلمة قولتيها كلام صح . زي ما قلتي , والأخص الخول الى الغرفة وتكلمي كل مالديك في قلبك , وانصح كما قالت مورا . انا ايضآ هكذا يصبح معي.

مورا بجد مش عارفه اقولك ايه

انا عاوزة اطمنك انى الحمد لله
اهو احسن من الاول بكتير
وميرسى بجد لوقفتك جنبى
انتى بكلامك هونتى عليا حاجات كتيررررررررر
يارب ابدا منتحرمش منك
وانا واثقه من ان صلواتك عملت كتير
ورجاء محبه
اذكرينى ديما فى صلواتك

وميرسى موووووووت يا كركر

ربنا يعوض محبتك بكل خير
حقيقى تعبتكم معايا
الف الف شكر
واذكرنى ارجوك فى صلواتك
اختك صن

كلنا محتاجين صلوات بعض

صن هو احنا مش هنتجمع فى خدمة مع بعض تحت رعاية المنتدى؟؟؟؟؟؟؟؟؟؟

ممكن خدمة مسنين او معوقين او ايتام

؟؟؟؟؟؟؟؟؟؟ ايه رئيك؟؟؟؟؟؟؟؟؟؟؟
تيجى نكبر الحكاية فى دماغهم؟؟؟؟؟؟؟؟

يــــــــــــاريت

بجد نفسى
تعالى نطرح الموضوع فى قسم الاقتراحات لاندرو
عارفه انا رحت خدمة للمسنين
والايتام
بس بجد بجد بركه كبيرررررررررررررررررررا جدا
وميرسى موت على الاقتراح والفكرة الجميله دى
منها هنخدم اخوة الرب وكمان هنقرب من بعض اكتر
ربنا يعوضك

يباركك الرب . شكرآ لك أختي صن .

عضو يخدم بكل امانة تاريخ الميلاد : 02/07/1978

ايه يا جميل مالك فيكى اية

عارفة يا صن احنا كلنا ييجى علينا وقت
ونكون فى الحاله دى انا كمان من كام يوم كنت كده
اكيد فى حاجات مزعلكى شوية لازم تخرجى شوية من
البيت مع اصدقاقك انا عارفة انك دلوقتى عتبانة وزهقناة ومش عاوزة تكلمى
حد بس صديقنى انتى هنا فى وسط اخوتك واصدقاءك وطمنى عليك

amola_shfeek كتب:: ايه يا جميل مالك فيكى اية

عارفة يا صن احنا كلنا ييجى علينا وقت
ونكون فى الحاله دى انا كمان من كام يوم كنت كده
اكيد فى حاجات مزعلكى شوية لازم تخرجى شوية من
البيت مع اصدقاقك انا عارفة انك دلوقتى عتبانة وزهقناة ومش عاوزة تكلمى
حد بس صديقنى انتى هنا فى وسط اخوتك واصدقاءك وطمنى عليك

زي ما قال امولا , دول أخواتك , وهما كمان عارفين اللي بيحصل معاكي , وانا كمان حاسس بيك يا اختي صن , لو كنت بمصر , مستحيل اسيبك بالأنتي فيها , بجد , اه لو كنت بمصر كنت عملت زيارات لكل أخوتي اللي أعرفهم , واللي تعرفت عليهم على النت , وسلام ربنا يحرسك ويقويك يا رب , باسم ربنا يسوع أصلي , آمين

amola_shfeek كتب:: ايه يا جميل مالك فيكى اية

عارفة يا صن احنا كلنا ييجى علينا وقت
ونكون فى الحاله دى انا كمان من كام يوم كنت كده
اكيد فى حاجات مزعلكى شوية لازم تخرجى شوية من
البيت مع اصدقاقك انا عارفة انك دلوقتى عتبانة وزهقناة ومش عاوزة تكلمى
حد بس صديقنى انتى هنا فى وسط اخوتك واصدقاءك وطمنى عليك

ربنا يخليكى ليا يا مولا

بجد ربنا ميحرمنيش منك ابدا
والحمد لله
انا احسن من الاول
عارفه
المشكله عاندى قبل ما اروح اتناول بيوم بيدور جوايا فكر صعب جدا
انى غير مستحقه للتقدم لتناول الاسرار المقدسه
في حين لما اغصب على نفسى واتناول اشعر بفرح ملينى واتاكد انه صوت من عدو الخير
وانا الحمد لله يا مولا نشكر ربنا
بس يا ريت متنسنيش فى صلواتك
وميرسى جدا جدا لاهتمامك باخواتك
ربنا يعوضك

الف الف شكر ليك يا كركر

وربنا يعوض محبتك
بجد انا مش عارف اقولك ايه
غير انى اطلب من رب المجد يديم محبته جوانا
وربنا يبركك
واكرر شكرى ليك

هو انا اسيبك يومين يحصل كده لا مش ينفع انا كده ازعل

كده تتخنقى وانا موجوده لالالالالالالالالالالالا حبيبت قلبى مش تتخنق وانا موجوده

انا عره انك مخنوقه علشان انا بعت عنك اسبوع بحاله

على عموم يا بت انتى يا بت صلى وانتى هترتاحى اوى وتناولى

وصلوات العدره ام النور وجميع القدسين تكون معاكى وتحرسك

موضوع: كمان مع مارجو الأحد أبريل 29, 2007 2:01 pm

margo كتب:: هو انا اسيبك يومين يحصل كده لا مش ينفع انا كده ازعل

كده تتخنقى وانا موجوده لالالالالالالالالالالالا حبيبت قلبى مش تتخنق وانا موجوده

انا عره انك مخنوقه علشان انا بعت عنك اسبوع بحاله

على عموم يا بت انتى يا بت صلى وانتى هترتاحى اوى وتناولى

وصلوات العدره ام النور وجميع القدسين تكون معاكى وتحرسك

كمان مع مارجو نجمة المنتدى . ربنا يخليكم لبعض يا رب , بس عندي سؤال ,انتوا قوريبن من بعض ويعني بمصر ,لو انا كنت بمصر لعملت زيارة لكل شخص مخنوق او مدايق , كده اكون عملت حاجة أفضل , ده راي الشخصي , ولا اي رايكم انتوا يا اخوتي الغالين على قلبي ,كل عضوة بالمنتدى .

تحياتي وقبلاتي الحارة ارسمها لكل عضو على جبينه .

بحببببببببببببببببببببببببببببببببببببببببببببببببببببببببببببببببببببببببببببببببببببببكم يا غالين . بموت عليكم .

margo كتب:: هو انا اسيبك يومين يحصل كده لا مش ينفع انا كده ازعل

كده تتخنقى وانا موجوده لالالالالالالالالالالالا حبيبت قلبى مش تتخنق وانا موجوده

انا عره انك مخنوقه علشان انا بعت عنك اسبوع بحاله

على عموم يا بت انتى يا بت صلى وانتى هترتاحى اوى وتناولى

وصلوات العدره ام النور وجميع القدسين تكون معاكى وتحرسك

شوفتى بئه
غيابك عمل ايه فيا
بجد ربنا ميحرمنيش ابدا منك

مش عارف بجد يا مارجو اقولك ايه غير بجد انا بمووووت فيكى
ربنا يبركك

lightoflife كتب:: بحببببببببببببببببببببببببببببببببببببببببببببببببببببببببببببببببببببببببببببببببببببببكم يا غالين . بموت عليكم .

ربنا يخليك يا كركر
ومفيش غير اننا نطلب ديما محبة الرب يسوع تكون فى وسطينا
ويبركنا كلنا
امين

[size=29

انا من الكلام الحلو , بصراحة انا ببئى اعيط جامد لاني مقدرش اشوف الكلام الحو ده , واتفرج كده ,لان قلبي بيدق دائمآ لكلام اللي يخش من دون استئذان . ربنا يباركك ويا رب كده ترجعلنا بالسلامة ونشوف منك أجمل المواضيع والردود زي السحر والكلام الجميل زيك , يا مدللة المنتدى ( محب المسيح بجد ) .

وعايزين نسمع اخبار حلو عن الدراسة والأمتحانات , يلا بئى ورينا همتك بالدراسة عشان افرح بيك , واشوفك عروسة يا أحلى أخوات بالمنتدى عذب الكلام
].[/size]

عضو شغال الجنس : تاريخ الميلاد : 11/02/1982

صن بجد وحشتنى جدا انا كل ما ادخل بدور عليكى وعلى موضوعاتك انا فعلا مفتقداكى يلا ارجعى بسرعة لينا انا عارفة الحالة الى انتى بتمرى بيها لانى مريت بيها قبلك بس

وانا واثقة انها فترة صغيرة وهتخرجى منها وترجعى تنورى المنتدى تانى

وحشتنى اوووووووى يا جميل