بتعيطى عشان اكلت فراخ

بتعيطى عشان اكلت فراخ
مره كان فى اب كاهن كان بيحب كل يوم بعد القداس يصلى قدام ايقونه العذرا ويفضل يتكلم معاها وناس كتير كانت بتشوف العذرا بتكلمه ابونا ده كان ساكن قدامه شخص مسيحى من طائفه اخرى ومكنش بيروح القداس ولا بيتناول لانه مش مؤمن بالتناول فابونا قابله الصبح وقاله يا حبيبى تعال معايا القداس واتناول وخد بركه فالراجل كان عارف انه اليومين دول صيام فقال لابونا انا ممكن اجى معاك بس على شرط بعد القداس تيجى معايا ناكل فراخ ابونا قاله لا مش ينفع انا صايم الراجل صمم على كلامه(عشان ميروحش مع ابونا)المهم ابونا بعد تفكير وافق على الكلاموشرط الراجل وقاله خلاص تعالى معايا وانا بعد كده هاجى اكل فراخ المهم الراجل راح القداس واتناول وابونا خلص ورجع وكل فراخ وبعد ماخلص ابونا رجع الكنيسه وراح على ايقونه العذرا كالعاده يصلى ويتكلم معاها لاقى الصوره بتعيط فقال للعذرا((انتى بتعيطى عشان اكلت فراح فى صوم ابنك))طب مانا اكلت فرخه بس جبت لابنك خروف