وظائف 3 الانتر فيو

مساء الخيرات والانوار

النهاردة باة اهم جزء وهو الانترفيو

اتفقنا ان السى فى علية 25%
والانتر فيو 65%

كلنا واحنا رايحن الانتر فيو بتكون خايفين وكأن اللى هيعمل معنا الانتر فيو دة هياخد روحنا ........
والحقيقة هو زية زيك بالظبط هو واحد عمل انترفيو زيك بالظبط بس هو بقالة فترة بيشتغل يعنى ولا الهوا

حتى لو كان مدير المكان هو بنفسة اللى هيعمل الانتر فيو مع حضرتك .......... عادى جدا
هيعملك اية يعنى هيرفضك يبقى مش نصيبك بس انت رايح الانتر فيو عشان تبقى عملت اللى عليك
وشرف التجربة يكفيك ... وبردة هتتطلع من الانتر فيو كسبان مش خسرن
ايون كسبنا اتعلمت حاجة جديدة من اللى عمل معايا الانتر فيو -
عرفت عيب فيا لازم يتغير
سمعت سؤال جديد


اسمحولى بخبرتى القليلة اشرحلكم ازاى نعمل الانتر فيو
اولا : وانت رايح الانترفيو اهتم جدا جدا جدا بمظهرك
اللبس كلاسيك بالنسبة للولاد يستحسن بدلة وكرافتة
بالنسبة للينات كلاسيك

تروح قبل الميعاد بحوالى 10 دقايق عشان بس تشم نفسك وتهدى
خليك على طبيعتك جدا حاول ترتب افكار..

لما يجى عليك الدور فى الدخول
اولا خبط ع الباب وانت داخل حتى لو فى حد دخلك ...بعد كدة (صباح الخير ). سلم ع اللى قاعد .....
حاول متفعدش غير لما هو يقول لحضرتك اتفضل .. بس مش تطول فى الوقفة القصة كلها بتاخد ثوانى ...

وانت قاعد ايدك متكنش متشبكة فى بعض ايدك تكون جمبك... عشان اللى بيشبك ايدة بيبقى خايف
خليك واثق من نفسك .. واثق من اجابتك .... هادى / ثابت
صوتك مسموع بس مش عالى //// جراى نسبيا بس متحفش فى الجراة
وانت فى الانترفيو خلى دايما عينك فى عينة بصت صقر
فى النهاية الانترفيو اشكرة على وقتة اللى انت خدة وامشى بهدواء واقفل الباب وراك


شوية اسئلة من الانتر فيو :-

1- ممكن تكلمنى عن نفسك؟
الاجابة :- انا / اسمك * عندى/ سنك *خريج/ المؤاهل بتاعك واسم الجامعة سنة التخرج
المهن السابقة الشهادات اللى معاك (سواء كورصات كمبيوتر او لغات ) هوايتك
لوعندك حاجة تانية بالنسبة ليك انت ممكن تتضيفة تخصك انت بس (لا بابا ولاماما ولا اخواتك)

2- تقدر تدينا اية ؟
اوع تقول كل حاجة * دايما يقوللنا اللى بيقول كل حاجة دة مش بيعرف يعمل حاجة

** تقول انا اقدر ادى :- وتوضح حاجات ثابتة
مثال ؛ لوحضرتك محاسب زميل يعنى .........
تقول انا اقدر اعمل ميزانية يومية &اقدر اعمل تقفيل على الexcell
طبعا دة يرجع لى قدرات حضرتك فعلا
وتكمل وممكن اتعلم حاجات جديدة

3- تفتكر اية اللى يميزك عن زميلك اللى بة ؟
اوممكن يسأل بصيغة تانية : انت احسن من الناس اللى برة فى اية عشان نعينك انت ؟
قول بثقة انا معرفش الناس اللى برة اية قدراتهم
بس انا اعرف قدراتى انا

4-اية مميزاتك وعيوبك ؟
ابدا بالمميزات
قول الحاجات اللى انت شايف نفسك مميز فيها بس مدوس بنزين قوى عشان ميقولش عليك مغرور
وقول عيوبك
قول بكل صراحة بس مطولش .. انت مش كل عيوب كل بنى ادم لة مميواتة وعيوبة

5- اية المرتب اللى انت متوقعة ؟
السؤال دة سلاح ذو حدين
ممكن يكون محددين مرتب عالى وحضرتك تقول مرتب قليل . ممكن المرتب الى حضرتك حددة عالى عن الحد بتاعهم
يفضل تبعد عن النقط دى خالص
اخلع من السؤال دة :- المرتب اللى انتو محددينة

6- انت لية عايز تشتغل ؟
السؤال دة غريب جدا وكل الناس بتجاوب علية
كالاتى : انا عاوز اشتغل عشان الشغل كيان للبنى ادم الاجابة جميلة جدا ومقتنعة دايما يقوللنا خدو بالك من الاجابات المحفوظة
ممكن تقول : انا عاوز اتعلم حاحة جديدة معنوية لان اى حاجة بتعلمها بتزودنى حتى لوكنت هتعب لحد متعلها



خد بالك ياباشا من الاسئلة الاستفزازية ؟ مش المقصود انة يستفزك المقصود منة انة يطلع اللى جوك لانك ممكن تشتغل تحت ضغط.....

الاسئلة دى لازم تكون هادددددددددددددى من الاخر بارد زى الثلج وجاوب

مثال :
وانا فى الانترفيو بتاع الشركة اللى انا فيها
اللى كانت بتعمل معايا انتر فيو بتقولى انت معالك اية فى الكمبيوتر
قولتلها (icdl/excell prof / inter net
systeam infinty/acc.Dj/orcale/accinternational/delta systeam

قالتلى بكل برود انت مفكر اللى الحاجات دى ممكن تكون سبب انت تكون معنا الحاجات اللى انت قولتها دى محو امية فى الكمبيوتر

انا الكلمة دى حسستنى انى ولا حاجة رمت تعب سنتين ع الارض

بس كان لازم اكون بارد وحاولت ارد عليها ببرود قولتها لو مكنتش عارف ان الناس اللى هنا مش اممين مكنتش محيت اميتى وبعدين النهاردة محت اميتى بكرة ممكن اتعلم حاجة


**** ركز فوى ولا حظ انت بتقول اية لنفسك؟
بتقول اية للناس ؟
الناس بتقولك اية ؟

ويارب ويارب اكون نفعت حد بكلام دة ؟

أذكرونى فى صلوتكم++
Mena kamel

بجد نصايح هايله يا مينو

مرسى لتعبك

انت مرسي لاهتمامك ومروك الجميل والكتير دة
بجد بجد متشكر جدا يا mramero