الحلو مايكملش ..
اكيد سمعنا المقولة دى كتير و فى مواقف كتير جدا من حياتنا
الحلو مايكملش .. يعنى لازم نجد شىء ناقص او غير كامل او عيب جوهرى فيما نظن من وجهة نظرنا انة كامل من كل شىء و رائع من كل شىء ..
امثلة على ذلك :
1- طفل جميل جدا ، شعرة ناعم ، و بشرتة بيضاء اللون ،ابتسامتة جميلة و لكنة من ذوى الاحتياجات الخاصة (معوق )
2- شاب فى ريعان الشباب ، مفتول العضلات ، متناسق القوام و لكنة ( اصم ابكم )
3- فتاة شديدة الذكاء ، عاشقة للعلم ، سريعة البديهة و لكنها ( مغرورة )
4- شاب غنى جدا ، مرفة ، مدلل ، ينال كل ما يريدة و لكنة اصبح ( مدمن للمخدرات )
5- عروسة جميلة جدا , قوام , لباقة و ادب و هدوء وذكاء و لكن ( اباها مجرم فى السجن )
6- قائد ناجح ، متحمل للمسئولية ، حازم و قوى و لكنة ( سليط اللسان )
7- زوجان خادمان رائعان فى جل شىء . يمتلئان بالنعمة و الروح القدس و لكنهما ( لا ينجبان )
امثلة كثيرة فى حياتنا مليئة بمواقف مماثلة
و نرجع و نقول " خسارة ، الحلو مايكملش "
غريبة .. طب لية .. لية مافيش حاجة كاملة و مثالية؟
لية دايما لازم نلاقى حاجات ناقصة فى كل ما هو كامل ؟؟
لية مفيش حاجة جميلة و مكتملة و رائعة علشان نقول الله .. مش ناقصها حاجة ؟
هل دى حكمة من عن ربنا لحاجة هو بس شايفها ؟
هل لولا وجود الحاجات الناقصة دى كان ممكن الاوضاع تتغير للاسواء و انت عملت كدة للخير ؟
هل علشان نحس انة احنا مهما كبرنا و مهما كنا مثاليين ناقصنا حاجة لانة احنا طين و تراب و انت الرب الكامل ؟
هل علشان يبقى شوقنا دايما اليك و كمالنا دايما بيك . و نظرتنا دايما الى فوق الى وجهك ولننال بة الفرح و الكمال؟
صحيح يا رب انت الكامل فى كل شىء و نحن مهما كنا او نكون تراب و طين
لا نسوى ، اوجدتنا من العدم و اعطيتنا روح البنوة لنرى و نسمع و ننجح و نتفوق
ووسط كل هذا نرجع و نننسى انة احنا مازلنا ناقصين
و هنظل ناقصين
ليكون الكمال لك وحدك يا رب القوات
اكيد شايفين كل الاسئله دي وممكن تكون دارت في عقلكم كمان بس انا بردو مش فاهمه ليه كتير بجد الحلو مابيكملش
الرئيسية 
البوابة 
أحدث الصور 
التسجيل 
دخول 
الدخول لشات محبى المسيح 
الأحد فبراير 22, 2009 2:36 pm
