ابقي قابلنى لو فلحت

الاول شوفو معايا المشاهد دى

المشهد الاول

يدخل الاب ع ابنه ويلاقيه بيكتب شعر ويدور الحوار دا

الاب :يابنى هى دى المزاكرة اللى بتعملها
الابن:يابابا منا خلصت مزاكرة وبعمل اللى عليا مفيهاش حاجة اما اكتب شعر
الاب:خلصت وهى المزاكرة بتخلص يابنى
خليك ف الشعر وابقى قابلنى ان فلحت


المشهد التانى(حقيقى فعلا)

يدخل المدرس ع الفصل ويلاقى فى دوشة وهرجلة

المدرس:دا فصل بزمتكم ,ولا دا شكل طلبة

والله انتو اخرتكو نصكو حرامية والنص التانى سباكين


المشهد التالت

حوار بين اتنين قبل مباراة مصر والبرازيل

الاول: يابنى استعداد ايه اللى استعده بس يبقو يقابلونى
التانى:ليه بس يابنى بيقولو اتدربو جامد وكمان كفاية اللى حصلهم ف الماتش اللى فات

الاول: يابنى انت بتهرج ,دى البرااااازيل عاارف يعنى ايه البرااااازيل
يعنى الماتش خلصان من قبل ما يبدا

استووووووووووووب


لحظة

كفاية احباط لو سمحت

كفاية كلام بيرجعنا لورا ..سيبونا نعمل حاجه

الماتش مش خلصان قبل ما يبدا وهوريك هعمل ايه وهقابلك بعد ما انجح

كفاية كلام مسموم بيموت العزيمة

مش نافع


ابقى قابلنى لو فلحت

ملكش لزمة

الماتش خلصان

متتعبش نفسك


لا ليه لزمة ..لا هوريك ان انا عندى اكتر اقدمه

مش كلمة اللى هتوقفنى

انا اكبر بكتير من اى كلمة احباط

انا هكمل وهوصل وهبقى حاجة كبيرة


ياريت يكون دا شعارنا كلنا ف حياتنا