لبس البنت في المصيف و ما حدوده ؟؟؟

سامحوني اذا كنت اثرت هذا الموضوع
لأنه بالفعل أصبح مشكلة كبيرة

و بنات كتير اصبحوا مستعدين لهدم كل مبادئهم التي تربوا عليها، بمجرد دخولهم البلاج أو رؤيتهم للشاطئ و الميه أو حتى لو رايحين فرح أو حفله

و كأن المصيف أو الفرح ده دعوة صارخة للملابس العارية.

هل خفة الملابس (الملابس التي تناسب المصيف) تتناسب طرديا مع العري؟؟؟ يعني هو مش ممكن البس لبس يناسب المصيف و يكون محتشم و شيك؟؟؟

هل الشياكة معناها أعري نفسي قدام الناس؟؟
هل اللبس الخفيف معناه اللبس العريان؟؟

و للا خايفة يقولوا عليكي فلاحة أو صعيدية...أنا ماقلتش ننزل البحر ببنطلون و جاكت طبعا....أنا لا أقصد هذا

هو مش ممكن انزل الميه و انا لبسي محتشم الي حد ما- بطريقة لا يلومني أحد عليها.

في بنات ممكن يكون ردها إني البس براحتي في المصيف علشان مفيش حد يعرفني

قلت في بالي هو البنت بتلبس محتشم عشان الناس تعرفها بس...يعني لو انتي في مكان ماحدش يعرفك فيه ممكن تلبسي عريان.

و هو الناس اللي في المصيف أو الفرح كائنات أخري غير اللي في بلدك؟

يا جماعة المصيف مكان عام زي غيره من الأماكن و الناس موجودة هنا و هنا...و اللي بيلبس محتشم بيراعي ربنا مش الناس.

فلو كنت بعد ارضي الناس لم اكن عبدا للمسيح (غل 1 : 10)

سامحوني فأنا متضايق علي بنات المسيح و لولا هذا لما كنت أتفوه بهذه الالفاظ بكل صراحة.لكن شعرت أن هذا موضوع يجب علاجه.

و لو أنا غلطان في حاجة ياريت لو فيه بنات ممكن توضح لي...يمكن هناك أشياء تغيب عن ذهني كولد..

كذلك ان النساء يزين ذواتهن بلباس الحشمة مع ورع و تعقل (1تي 2 : 9)
الآية دي قالها بولس الرسول علشان لبس البنت في كل مكان و زمان. في كنيستك و في بلدك و في شارعك و في المصيف و في الافراح.

المصيف مش فرصة نلبس فيها اللي احنا عايزينه كأن المصيف دي حاجة تاني لم تذكر في الانجيل.

اشكركم علي سعة صدركم و احتمالكم لهذا الكلام الذي ربما يجرح مشاعر القليل منكم..الرب يبارك حياتكم

لبس البنت مالوش علاقة بالمصيف او غيره وعندك حق انه مكان عام

واحنا بقينا فى زمن الناس بقت تعرفنا من لبسنا

حتى فى الشارع بقينا معروفين بلبس وزينة جسدية

أنت قادر يا رب تعقل بناتك

شكرا لمرورك يا ناصر

عندك حق ياجو

فعلا مفهاش حاجه يعني لو البنات نزلت المايه

بلبس يكون لاائق مش ضروري مايوه

وكمان في الافراح مش معني انها صحبتي او اختي او قربتي احيلها الليله ولازن البس فستان

سهره مش كويس في فستين محترمع برضو

ميرسي علي طرح الموضوع

شكرا يا ميرا لمرورك

ورأيك عجبنى

موضوع جرى بس مش غريب عليك ياجو
معاك حق فى كلامك وفى طريقة لبس البنات اللى بقت
غريبة وفى افكارهم اللى بتخليهم مقتنعين ان اللبس دة عادى
انا اقدر اقول ان البنت اللى بتلبس عريان فى فرح علشان اصحابها مايقولوش عليها
صعيدية او اى حاجة تانى انها معندهاش شخصية
او ثقة فى نفسها
علشان لو عندها ثقة فى نفسها هتفرض رايها على اللى حواليها
:thanks5:

بالظبط كده

و أكيد فى لبس سواريه ينفع للأفراح و محتشم

ربنا يهديهم

و ميرسى لمرورك