الحب على الانترنت

تعالوا نتكلم مع اللى بيمروا بالموضوع ده بموضوعية لابعاطفية ولا بعقلانية وأفحص كلامى ده بفحص الروح القدس
1- ما الذى تعرفه عن من يحدثك عن طريق النت (الاجابة لاشئ سوى مايقوله عن نفسه )

2- هل يمكن أن يكون صادق أوكاذب فى كلامه (أحتمال )

3- ماالذى جذبك اليه (أسلوبه)

4- وهل هذا الأسلوب حقيقى ام كاذب ) (أحتمال )

5- كيف تكونت صورته عندك 0(من الخيال أو من كاميرا الشات )

6- ومن عرفك أن هذه صورته أو خيالك صائب (أحتمال )

7- هل اذا قابلته سيكون كماتتوقع (أحتمال)

8- من تحب شخصه (حقيقته) ام صورته المرسومة لديك) بالطبع أنت لاتعرف حقبقته اذا أنت تعيش فى الخيال

9- وأريد أسالك هل أنت حقيقة ام خيال بالطبع كائن حقيقى اذا عيش الحقيقة ولاتبنى حياتك على الخيال لان مافى الخيال لايصلح الا للخيال

ربما يقول أحدهم هذه ما الا بداية نتقابل ثم نتعارف ( أين ومتى تتقابل وبأى صفة تتقابل؟)

نحن شعب الرب لانتقابل الا فى كنائسنا تحت رعاية رجال الله (الكهنة - القسوس - الخدام )

أو عن عن طريق أو بمعرفة عائلاتنا

10- من أعلمك أنه أو أنها من دينك أو ثقافتك أو بيئتك الروحية أو--- أو--- أو---

11- هل سألت الله أبوك عن رأيه فيما تفعله وعن كيفية أستخدامك للتكنولوجيا الحديثة فلابد أن تكون وكيل فيما بين يديك

الخلاصة

12- ما الاجابة النهائية؟

الأجابة النهائية أنت تحددها ولك الحرية والقرار

اضافة لما سبق :-

- كيف يتم التعارف؟ (بعيدا عن الاهل)

- هل تقدر ان تقول للاهل عن المغامرات النتية 0؟( بالطبع لا)

- اذا لمن تقول؟ ( لزمالائى الذين فى سنى )

و مارد فعل الأصدقاء ؟

أ- من له نفس العلاقة ( التشجيع وذلك ليبرر علاقته)

ب- من ليس له علاقة-(نوعيات مختلفة ومواقف متباينة )

1-التشجيع ليستمتع بسماع بطولات الأخرين)

2-الرد المتزمت ممايزيد عنادك ورغبتك فى اثبات جمال وروعة العلاقة

3- الغير مهتم مما يجعلك تصر ع السعى لجذب اهتمامه

4- الواعين وهم فى زماننا قليلين

هل تقدر أن تصف العلاقة؟( علاقة فى الخفاء)

بماذا تصف الخفاء؟ (علاقة ظلمة وليست نور)

أحبائى يامن تمرون بهذه فى أعماقكم تسمعون روح الله يصرخ هذا ليس منى ,وأن كنت قد كتمت روح الله ولم تعد تستمع اليه هو يئن داخلك لأجل رحمتك
ولاتبنى حياتك ع تجربة احد ربما تكون قد نجحت بل ابنى حياتك ع مشورة الله من كتابه ورجاله ولا تدين نفسك لئلا تقع فى بالوعة اليأس بل أطلب الرب برحمته لينقذك من هوى النفس
( ان كنت حكيما فانت حكيم لنفسك وان استهزأت فانت وحدك تتحمل ) (أم12:9)

فعلاً معاكي حق

و

الحب على الانترنت Cdddb0e327

عالموضيع الجميلة دية

مرسى على مرورك يا ديدا وردك

ربنا يباركك

ميرسى على الموضوع الرائع ده وكل كلامك صحيح يا مارينا
ممكن تقبلونى صديقه معاكوا انا لسه جديده هنا ممكن؟

لو الحب دا بمعرفه يعني لو اتقبلو وشافو بعض
وبمعرفه الاهل ايه المانع
لكن عشان يبقي دا في بلد ودي في بلد تاني خاااااااالص
صعب انو ينجح

ميرسي يا مارينا علي الموضوع

نانا كتب:: ميرسى على الموضوع الرائع ده وكل كلامك صحيح يا مارينا
ممكن تقبلونى صديقه معاكوا انا لسه جديده هنا ممكن؟

مرسى يا نانا على ردك الجميل
وطبعا انتى اخت لينا من غير اى كلام
ويلا عايزين نشوف مشاركاتك معانا هنا
نورتى المنتدى

ميرا كتب:: لو الحب دا بمعرفه يعني لو اتقبلو وشافو بعض
وبمعرفه الاهل ايه المانع
لكن عشان يبقي دا في بلد ودي في بلد تاني خاااااااالص
صعب انو ينجح

ميرسي يا مارينا علي الموضوع

طبعا ياميرا عندك حق
مرسى يا ميرا على ردك الجميل

موضوعك جميل يا مارينا وأنا معاكى فى كل اللى قولتيه gamed

أنا مش موافق خاااااااااااااااااااااااااااااااااااالص على موضوع الحب على النت ده خالص

وأحنا أزاى بنقول عليه حب ؟

أزاى أحب واحده أنا معرفش شخصيتها ولا أخلاقها عامله أزاى ؟

أنتو عارفين أحنا ممكن نسميه وهم على النت مش حب على النت

وأنا مع ميرا فى رأيها أن لو العلاقه على النت بسابق معرفه يعنى يبقى هما أصلا عارفين بعض يبقى خلاص عادى

مارينا حبيبتى

موضوعك جميل
مبسوطة بيكى اوى رغم صغر سنك الا انك عائلة جدا
برافو عليكى
عرفتى تختارى موضوع مهم و عرفتى تناقشيه صح

"انتى انسانة مرتبة جدا فى افكارك, متوقع لكى مستقبل مبشر, و هذا يتضح من خطواتك فى المناقشة"
نفسيا انتى ميه ميه :)

تسلمي مارينا علي المجهود المزهل والممتاز ربنا يعوض تعب محبتك

برافو يا مرمر

موضوع رائع وجميل

انا اعرف ناس بحس انو عقلهم بيتغيب

او هما عيزين يغيبوه

عيزين حب

واحيانا ارطباط

من النت

حاجة عجيبة

ميرسي يا جميل

وربنا يعوض تعب محبتك

» برنامج Gigaget v1.0.0.23 لزيادة سرعة التحميل من الانترنت
» اربح الالاف من الانترنت بخطوات بسيطه (5 دقائق )
» عاااايز يكــون ليك راتب شهرررى من الانترنت onbux
» ( الحب من أول حرف)
» أنا الحب