صوت يسوع ليك

عضو جديد الجنس : تاريخ الميلاد : 02/06/1987 البد :

فجأة ..

سمعت صوت ربنا بيقوللى:

القطة

.. قلتله: مالها القطة يارب ؟ ..

قاللى: إيه رأيك فيها ؟ كائن ضعيف ولا قوى ؟ قلت له: دى كائن ضعيف أوى يارب ..

قاللى: طب واللى بيحاول ييجي ناحية ولادها بتعمل فيه إيه ؟

قلت له باستغراب جامد م الموضوع اللى بيكلمنى فيه: بتعمل فيه إيه ..

دى بتاكله أكل

وإنتظرت إن ربنا يسترسل فى الكلام لكن سكت

.. وقتها بس وصلتنى الرسالة اللى كان عايز يقولهالى .. وحسيت إنى عايز الأرض تنشق وتبلعنى

لأنى إكتشفت قد إيه أنا بكسرقلبه لما باشك فى حمايته ليا .. ولما باشك فى أمانته
ولاد ربنا مش متسابين ملطشة للظروف تعمل فيهم اللى على مزاجها .. لأ .. هيه مش سايبه ..

ولا هوه مولد وصاحبه غايب .. ده صاحبه موجود ومتحكم حتى فى أتفه الأمور

أوعى تخلى ظروف الناس اللىحواليك تخوفك من ربنا ..

ولا تشكك فى محبته وصلاحه .. مالك أنت ومال إمتحان اللى جنبك ؟!

خليك فى إمتحانك أنت .. ماتقارنش إمتحان شخص بإمتحان شخص تانى
لأن كل واحدمختلف عن التانى فى حجمه وقوة إحتماله ..

المهندس اللى بيصمم كوبرى بيحدد أقصى حمولة يقدر يستحملها الكوبرى ..

وبيعلق يافطة لتحذير الناس: "أقصى حمولة: كذا"

ولو الحمولة تجاوزت الحد ده .. الكوبرى هايتحطم فمن باب أولى ..

المهندس البارع اللى مصممك إنت .. عارف ومحدد أقصى حمولة تقدر تتحملها ومش بيسمح لحد ولا لحاجة

فوق طاقتك إنها تحطمك ..

لأنك صنعة إيديه .. وغالى جدا عليه تأديباً إدبنى الرب وإلى الموت لم يسلمنى" مز 118 :18
الحياة مع ربنا ممتعة ورائعة .. مش لأن مافيهاش عواصف
.. أبداً .. إوعى تصدق اللى يقول لك: "تعالى لربنا وحياتك هاتخلو من العواصف والضيقات"

ده الكتاب نفسه قال: "كثيرة هى بلايا الصديق" مز 34 :19..

لكن إوعى تخلى إبليس يحرمك من إنك تذوق حلاوةالهدوء والسلام فى وقت العاصفة ..

إوعى تخليه يخبيلك باقى الآية اللى بتقول: " ومن جميعها ينجيه الرب" ..

من جميعها مش من شوية منها .. مهما كانت صعوبة مشكلتك ..

بدل ماتقول: (يارب .. أنا عندى مشكلة كبيرة) .. قول: يامشكلة.. أنا عندى رب كبير .. قدير

.. "يستطيع كل شىء ولا يعسر عليه أمر" أي 42 :2 أصعب المشاكل قدام قدرته مالهاش قيمة خالص..

وأصغر الأمور فى حياتك قدام محبته ليها قيمة كبيرة جداً .. المهم إنك تصدق وتؤمن إن ربنا يقدر ..
لأن "بدون إيمان لايمكن إرضاؤه" عب 11 : زمان .. كنت زىالغالبية العظمى من الناس ..6

لكن كان فى جملة بالذات كنت كل ما أسمعها أسأل نفسى

ياترى مين يستاهل إنى أقول له: "اللى عيشته قبلماتشوفك عيني عمر ضايع يحسوبه إزاى علي؟؟"

لكن دلوقتى .. أنا عارف كويس جداً مين الشخص الوحيد اللى يستاهل إنى أقول له كده ..
مين اللى مقابلته هيه الحياة .. مين اللى حبه لي حب حقيقى ..

هو الرب اللي يستاهل اقوله كده

ميرسى يا نانسى على التأمل الجمييييييييييييل ده

و أهلا بيكى معانا

و ياله عايزين نشوف تاملات حلوه كده على طووووووووووووول

ميرسى ليكى كتير يانانس

على التامل الرائع دة

بجدا جميل جدا

ربنا يباركك يارب

» دم يسوع ...
» من هو يسوع ..؟
» ربي يسوع
» فاز يسوع
» اسألوني عن يسوع